پەیامی سەرۆك بارزانی بە بۆنەی جەژنی رەمەزانی پیرۆز

سەرۆک بارزانی بە بۆنەی جەژنەوە پەیامێکی بڵاو کردەوە تێدا هاتووە:

بەناوی خودای بەخشندە و میهرەبان

بەبۆنەی جەژنی ڕەمەزانی پیرۆزەوە گەرمترین پیرۆزبایی ئاراستەی موسڵمانانی جیهان و عێراق و كوردستان دەكەم. پیرۆزبایی جەژنی ڕەمەزان لە خانەوادەی سەربەرزی شەهیدان و پێشمەرگە قارەمانەكان و سەرجەم هاووڵاتیانی كوردستان دەكەم.

لەو بۆنە پیرۆزەدا هیوای سەرفیرازی و بەختەوەری بۆ خەڵكی خۆشەویستی كوردستان دەخوازم و لە خودای گەورە داواكارم ڕۆژوو و نزای هەموو موسڵمانانی قبووڵ كردبێت و ئەو جەژنە ئاشتی و ئارامی بۆ ناوچەكەمان و گشت مرۆڤایەتی بەدی بهێنێت.

مسعود بارزانی

30ـی ڕەمەزانی 1447ـی كۆچی
19ی ئاداری 2026ی زایینی