میدیای فەرمیی ئێران کوژرانی فەرماندەیەکی باڵای سوپای پاسدارانی راگەیاند.
بەیانیی ئەمڕۆ هەینی، میدیای فەرمیی ئێران رایگەیاند، محەممەدعەلی فەتح عەلیزادە، فەرماندەی یەکەی فاتحینی سوپای پاسداران کوژراوە.
عەلیزادە، لە هێرشەکانی رۆژی چوارشەممە کوژراوە و بەیانیی ئەمڕۆ کوژرانەکەی بە فەرمیی راگەیێندرا.
یەکەی تایبەتی فاتحین یەکێکە لە یەکەکانی سەر سوپای پاسداران کە ئەندامەکانی مەشقی سەربازیی تایبەت و زیاتر لە مەشقە ئاساییەکان دەبینن و پێشتریش لە جەنگی سوریادا بەشدارییان کردووە.
