کۆنسوڵی فەرەنسا هێرشە بالیستییەکەی ئێران بۆ سەر هێزەکانی پێشمەرگە سەرکۆنە دەکات
ئەمڕۆ پێنجشەممە، 26ـی ئاداری 2026، ، یان برێم، کۆنسوڵی گشتیی فەرەنسا، لە نامەیەکدا کە ئاراستەی سەرۆکی حکوومەتی هەرێمی کوردستانی کردووە، بە توندی سەرکۆنەی هێرشە بالیستییەکەی ئێرانی بۆ سەر فیرقەکانی 5 و 7ی هێزەکانی پێشمەرگە لە ناوچەی سۆران کرد.
لە نامەکەدا هاتووە، کە ئەو هێرشە بووەتە هۆی شەهیدبوونی ٦ پێشمەرگە و برینداربوونی ٣٠ـی دیکە. کۆنسوڵی فەرەنسا وێڕای دەربڕینی هاوسۆزی و سەرەخۆشی بۆ بنەماڵەی قوربانییەکان، هیوای چاکبوونەوەی خێرای بۆ بریندارەکان خواستووە.
یان برێم، لە پەیامەکەیدا جەختی کردووەتەوە: “دڵنیابن لە هاوسۆزیی فەرەنسا بەرامبەر ئەم کردەوە دوژمنکارانەیە لە دژی هەرێمی کوردستان و بەرپرسان و دانیشتووانەکەی.”
هەروەها ئاماژەی بەوەش کردووە، کە فەرەنسا بەردەوام دەبێت لە پشتیوانیکردن و هەوڵدان بۆ پاراستنی ئاشتی و دابینکردنی ئاسایش بۆ گەلی کورد.
نوێ دەکرێتەوە..
