بەرەبەیانی ئەمڕۆ هەینی، درۆنێک لە ماڵێکی گەڕەکی کارێزانی هەولێر کەوتە خوارەوە و دوای چەند خولەکێک درۆنێکی دیکە لە هەمان گەڕەک کەوتە خوارەوە.
ئەمڕۆ هەینی، 3ـی نیسانی 2026، پەیامنێری کوردستان24، لەکاتی رووماڵکردنی زیانەکانی هێرشەکە بۆ سەر ماڵێکی هەژارنشینی گەڕەکێکی میللی شاری هەولێر ئاماژەی بەوە دا، هیچ زیانێکی گیانی نەبووە، بەڵام زیانێکی زۆر بەر ماڵەکە و خانووەکانی تەنیشتی کەتووە.
ئەو ماڵە بە تەنیا ئافرەتێکی بەتەمەن ژیان بەسەر تێیدا بەسەر دەبات، بەڵام شەوی رابردوو ماڵەلەوە نەبووە.
ئافرەتە بەتەمەنەکە قسەی بۆ پەیامنێری کوردستان24 کرد و رایگەیاند: شەوی رابردوو لەگەڵ کوڕەکەم چووینە ماڵیان و لە ماڵەوە نەبووم، بەیانی زوو یەکێک لە دراوسێیەکان پەیوەندی کرد و ئاگاداری کردینەوە، کە درۆن بەر ماڵەکەم کەتووە، بەڵام سوپاس بۆ خوا هیچ زیانێکی گیانی نەبوو”.
هەروەها باسی لەوە کرد، “زیانێکی زۆر بەر ماڵەکەم کەوتووە، بەڵام گرنگ بەخۆمان سەلامەتین”.
