میدیای ئێران رایگەیاند، هێزە ئەمنییەکانی ئێران 313 کەسیان دەستگیرکردووە، تۆمەتبارن بە ناردنی زانیاریی سەربازی و ڤیدیۆ و وێنە بۆ دەرەوە.
رۆژی دووشەممە، 6ی نیسانی 2026 ئاژانسی هەواڵی تەسنیم کە نزیکە لە سوپای پاسداران، ئەو کەسانەی بە “بەکرێگیراو و جوداخواز” ناوبردووە و دەڵێت، لە چەند پارێزگایەک دەستگیرکراون.
بەگوێرەی ئاژانسەکە، ئەوانەی دەستگیرکراون تۆمەتبارن بەوەی “زانیاریی وردیان لەبارەی شوێنە سەربازییەکان و شوێنی گردبوونەوەی هێزە ئەمنییەکان کۆکردووەتەوە” و بۆ کەناڵێکی ئۆپۆزیسیۆنیان ناردووە، کە تاران وەک “تۆڕێکی تیرۆریستی” ناویان دەبات.
بەپێی ئاژانسی تەسنیم،” ئەوە کەسانە جگە لە زانیاری سەربازی ڤیدیۆ و وێنەی شوێنی بۆردوومانیان بۆ کەناڵەکانی دەرەوی ئێران ناردووە.”
ئاژانسەکە ئەو کەسانەی دەستگیرکراون لە پارێزگای تاران 235 کەس، لە خۆزستان 42 کەس، لە کرماشان 30 کەس، 4 کەس لە مەراغە و دوو کەسی دیکە لە لوڕستان بوو.
جەنگی ئەمریکا و ئیسرائیل لە دژی ئێران لە رۆژی 28-02-2026 دەستیپێکرد و بەردەوامە. لە ئێران ناوە ناوە دەستگیرکردنی کۆمەڵێک خەڵک بە تۆمەتی سیخوڕی لە شارە جیاوازەکان رادەگەیێندرێت، بەڵام تاوەکو ئێستا ئامارێکی فەرمی لە بارەی ژمارەی دەستبەسەرکراوان بەردەست نییە.
